Oft kënnt en nëmmen als eppes Onfäerdeges. En Text, deen zanter Joren an engem Tirang läit, well en nach net fäerdeg schéngt. En Numm fir eppes, wat et nach net gëtt. E Bild am Kapp, fir dat nach kee Wuert fonnt gouf. Eng Iddi, déi sech mellt, ouni ze soen, wat si wëll ginn. Heiansdo ass et näischt méi wéi d'Gefill, datt eppes wëll entstoen. 

Egal, mat wéi engem Gedanken s du hei ukënns: Du bass op der richteger Plaz.

Mir sinn eng Schmëdd. Net als Bild, dat ee sech schéin ausgeduecht huet, mee well dat genee beschreift, wat hei geschitt: Réit Material kënnt eran a gëtt verschafft, bis et dréit. Keen Amboss, kee Feier, mee déi selwecht Haltung. Et hëlt een dat, wat do ass, esou onfäerdeg wéi et och ass, a schafft esou laang dorun, bis eppes Festes doraus ginn ass. Dofir froe mir net fir d'éischt, wat s du brauchs. Mir froen, wou däi Gedanke wëll hin.

Am Ufank ass e Buch seele just e Buch. Et kann eng Mark ginn, eng Websäit, e Produit, eng Sammlung vu Saachen, déi eréischt beim Verschaffen zesummefannen. Wat doraus gëtt, entscheet sech net um éischten Dag. Et entscheet sech um Amboss, wärend geschafft gëtt. Dofir denke mir och net an Departementer. Verlag, Drock, Design a Software si keng getrennten Atelieren, tëscht deenen däi Gedanke wandere muss, bis iergendwann een zoustänneg ass. Et ass een eenzege Raum. Eng Schmëdd eben.

Dës Säit ass keng Vitrinn. Si ass éischter den éischte Saz vun engem Gespréich, dat mir gär mat dir féiere géifen. Wann s du weiderlies, erkläre mir dir net, wat mir kënnen. Dat ass eist Handwierk, an Handwierk muss een net ukënnegen. Schliisslech erkläert engem Auteur och keen, wat e Verlag mécht. Mir erklären dir, firwat et eis gëtt a wéi mir denken, éier mir iwwerhaapt eppes hierstellen.

Wann dech dat interesséiert....

[ ■ Weider ]