Fir eis bedeit dat ëmmer datselwecht: Mir entwéckele fir eise Client seng Iddi zu engem Produkt. Dobäi ass et am Ufank egal, ob dës Iddi grouss oder kleng ass, vernünfteg oder op den éischte Bléck verréckt, ob se schonn en Numm huet oder nach guer keen. Entscheedend ass, ob een bereet ass, se wierklech bis zum Schluss ze denken. Well Entwécklung fänkt fir eis net eréischt dann un, wann schonn kloer ass, wat um Enn entstoe soll. Si fänkt do un, wou aus enger Iddi eng Fro gëtt an aus där Fro iergendwann d’Loscht entsteet, erauszefannen, wat doraus ka ginn.

Genee dofir ass Entwécklung bei KreativSchmëdd vill méi wéi Softwareentwécklung. Mir entwéckele Liewensmëttel wéi Nuddelen a Gewierzmëschungen genee esou wéi Spuerbéchsen, Websäiten, Apps, Content Manager oder Social Media Marketing. Mir entwéckele Produkter, Konzepter, Marken, Formater a Raim. Fir eis ass dat kee Widdersproch, well de Kär ëmmer dee selwechte bleift: Een huet eng Iddi, an dës Iddi soll iergendwann eppes ginn, wat een gesinn, benotzen, upaken, schmaachen oder notze kann.

Ob um Enn Code dobäi erauskënnt, Deeg, Pabeier, eng Gewierzmëschung oder en neien Oflaf, deen et virdrun einfach nach net gouf, spillt keng Roll. Entwécklung heescht fir eis, de Wee tëscht Iddi a fäerdegem Produkt ze fannen, egal wéi eng Form dëse Wee um Enn unhëlt.

Dobäi versiche mir net, eng Iddi esou laang méi kleng ze maachen, bis se an dat passt, wat souwisou scho machbar ass. Eis interesséiert éischter, wéi wäit sech dat Machbaart verréckele léisst. Natierlech ginn et Grenzen, technesch, finanziell, zäitlech an heiansdo och ganz einfach physikalesch. Mee éier mir eng Iddi opginn, wëlle mir fir d’éischt wëssen, ob dës Grenz wierklech existéiert oder ob se nëmmen do steet, well bis elo nach keen probéiert huet, se ze verréckelen.

Eisen eegene Content Management System fir dës Websäit ass genee aus dësem Gedanken entstanen, genee esou wéi eise Webshop an eise Partnerprogramm. Net well mir onbedéngt nach e System baue wollten, mee well mir eppes gebraucht hunn, wat zu eiser Aart ze schaffen passt.

Grad bei digitale Projete weist sech dat besonnesch däitlech. Eng Websäit ass keng Sammlung vu schéine Säiten, e Webshop keng einfach Lëscht vu Produkter an eng App kee Koup vu Funktiounen. Dohannert stinn Mënschen, Oflaf an Entscheedungen. Dofir froe mir fir d’éischt, wat fir de Client erreecht soll ginn, an eréischt duerno, wéi een et technesch, gestalteresch oder handwierklech ëmsetzt.

An heiansdo fänkt Entwécklung ganz banal un. Een sëtzt bei eis a seet, datt him bei engem Produkt eppes feelt. Een erzielt vun enger Iddi fir eng nei Gewierzmëschung, e Rezept, eng App oder eng Campagne fir Social Media, an op eemol fänkt genee dëse Prozess un: nolauschteren, nofroen, weiderdenken, ausprobéieren, verwerfen, nei ufänken. Net well mir komplizéiert schaffe wëllen, mee well eng gutt Iddi seelen beim éischte Versuch hir definitiv Form weist.

A genee doranner gesi mir eis Kreativschmëdd: als Plaz, op där Iddien net aus engem Regal mat fäerdege Léisunge geholl ginn, mee zesumme mam Client zu engem Produkt ginn, egal ob dëst Produkt um Enn op engem Teller steet, an der Spuerbéchs, op engem Ecran oder an der Boxentäsch.